Хуманитарен проект на ТРИНИТАС

БЕСПЛАТЕН 5-ДНЕВЕН СЕРТИФИЦИРАН КУРС ЗА ПОДОБРУВАЊЕ НА КОМУНИКАЦИСКИ ВЕШТИНИ ПО АНГЛИСКИ ЈАЗИК СО ПРЕДАВАЧИ ОД АМЕРИКА

(25-30 септември 2023)

Разбирате англиски но имате потешкотии да се изразите онака како што би сакале? Сте учеле но имате блокада или кочница кога треба течно да одговорите или да се вклучите во разговор? Можеби сте меѓу оние кои се на средно или високо ниво, но сакате да се усовршите, да го збогатите вокабуларот со нови фрази и да ја издигнете конверзацијата на уште повиско ниво? Или пак сте почетници кои од разни причини го одложуваат почеток на изучување на англискиот?

За сите вас имаме соодветни групи по нивоа и интензивна јазична програма со фокус на практичен говорен англиски јазик и активна комуникација. Одлично јазично искуство со предавачи кои се родени говорители на англискиот јазик!

Тринитас организира хуманитарен 5-дневен интензивен бесплатен курс за англиски јазик со 7 јазични инструктори од Америка. Имате несекојдневна можност да го издигнете вашето познавање на англиски јазик со секојдневна практична јазична обука. Материјалите за курсот се обезбедени од нас и немате никакви трошоци околу истиот. Определувањето по нивоа ќе се врши со усно интервјуирање (со физичко присуство) од страна на предавачите, неколку дена пред почетокот на курсот. На крај на еднонеделниот курс за англиски јазик се добива Сертификат за завршен интензивен курс за англиски јазик.

Пријавувањето е отворено за сите заинтересирани на возраст од 16 до 35 години без разлика на влезното познавање на англискиот јазик. Предавањата ќе се одржуваат во период од 25-ти септември заклучно 29-ти септември со физичко присуство во 3 различни термини (претпладне, попладне и навечер), на ЛОКАЦИЈА во Карпош 4.

Местата се ограничени и брзо се пополнуваат.

Сé што треба да направите за да се пријавите е да ни испратите мејл на: trinitascf@gmail.com со ваше име, презиме, возраст и телефонски број за контакт. Доколку имате дополнителни  прашања достапни сме и на 075/276-678. Нашиот тим ќе ви одговори или телефонски ќе ве исконтактира во рок од 24 часа.

ВАЖНО: Интервјуата ќе се спроведуваат во Недела на 24.09.2023 во просториите на Тринитас, од 15.00 до 19.00 часот.